Comezamos un novo curso salientando a importancia do uso do galego no Ensino:
Hoxe é o Día Europeo das Linguas. Así que eu digo que queremos galego.
Galego nas casas.
Galego na lingua.
Lingua galega porque é a lingua de nós.
Patrimonio milenario.
Galego nos medios de comunicación algún día máis que o 17 de maio ou o 25 de xullo.
Galego nos colexios. Que o ensino sexa unha fonte galeguizadora e non do revés.
Galego nas tendas, nas grandes empresas.
Galego na vida.
Avós e avoas, pais e nais, transmitindo o único que nós temos e o resto non ten, que é unha lingua de nós herdada da historia.
Galego como orgullo.
Galego con orgullo.
Galego non como máscara política dos que, no fondo, non cren no idioma nin no país.
Hoxe é o Día Europeo das Linguas e temos unha lingua, carafio! Unha lingua propia!!!
Galego.
Hoxe e sempre.
(Francisco Castro)
