CAXOTO: "Unha Galaxia chea de Letras Galegas"

 UNHA GALAXIA CHEA DE LETRAS GALEGAS

        Este é o nome do espectáculo co que nos visitou Caxoto o pasado 23 de maio como parte da programación da celebración das Letras Galegas. A través da narración oral Caxoto falou de grandes autores e autoras da historia da literatura e cultura galega, como Castelao, Risco, Cunqueiro, Carvalho Calero, Maria Victoria Moreno, Rosalía...

          Todos estes autores estaban vincunlados, dunha maneira ou outra, con Francisco Fernández del Riego. E falando da súa vida tamén puidemos coñecer feitos históricos como a emigración, a Guerra Civil, o exilio e o renacer da cultura e literatura galega co traballo desenvolvido na Editorial Galaxia.

        Rematamos a función cantando e reflexionando sobre a importancia de ler, ler, ler moito...

...e na nosa lingua!

PACO DEL RIEGO

DÍA DAS LETRAS GALEGAS 2023

FRANCISCO FERNÁNDEZ DEL RIEGO

    Neste ano 2023 o autor ao que se lle adica o Día das Letras é Francisco Fernández del Riego. 

    A semana do 17 de maio chegamos ao cole e todo estaba cheo de guirnaldas con diferentes palabras: Vilanova de Lourenzá, Galaxia, Grial, Monforte de Lemos, Galeguismo... Repartimos polas aulas dous sobres con letras soltas que había que xuntar para poder construír algunha das palabras que estaban nesas guirnaldas e colocalas nos recadriños do mural que presidía a entrada, de maneira que unha vez descubertas todas as palabras puidemos ler cronolóxicamente aqueles feitos máis significativos da vida de Paco del Riego. 

    Para investigar sobre a súa vida e obra, utilizamos os libros de Xerais e Lela Edicións, onde os autores destas biografías detallan moitísima información sobre o autor. 

    Ademais, grabamos un pequeno vídeo onde os nenos e nenas de cada curso falan da relación existente entre as palabras asignadas e o autor homenaxeado.

Agardamos que vos gustase coñecer un pouquiño máis a vida e obra deste autor tan próximo á nosa vila!

Longa vida ás nosas letras!

ACTIVIDADES DE MAIO DE ESPAZO LECTURA

  O CEIP da Cruz é centro socio protector da Asociación Espazo Lectura, unha asociación non gobernamental fundada para o fomento e a animación á lectura en lingua galega. 

Por esta razón, deixámosvos a continuación información das actividades de MAIO.

As actividades están abertas a todas as persoas que estean interesadas; animádevos a participar, hai para todas as idades!

REMATAMOS CON MOITA MÚSICA!

Ola, familias!

No mes de abril a canción proposta é de Fillas de Cassandra, que poderedes escoitar na seguinte ligazón: II. Lisístrata (Varre vasoira)

E para rematar este ciclo de recomendacións mensuais de grupos musicais galegos de actualidade, deixámosvos unha peza musical de Margarida Mariño, unha violoncellista da cidade de Vigo cunhas propostas musicais moi interesantes. 

Animámosvos a coñecela na seguinte ligazón: Golfiño

Aquí vos deixamos todas as recomendacións deste curso escolar 2022/2023:

Agardamos que vos guste!!

O Equipo de Dinamización da Lingua Galega

SEMANA DO LIBRO E A LECTURA

O CEIP da Cruz é centro socio protector da Asociación Espazo Lectura, unha asociación non gobernamental fundada para o fomento e a animación á lectura en lingua galega, e que desenvolve o seu traballo no Concello de Gondomar.

Como cada ano cando se achega o Día do Libro, a asociación organiza unha semana con diferentes actividades e clubs de lectura. Desta volta poderedes gozar da música, literatura e teatro. 

Deixámosvos a continuación o cartel desta Semana do Libro a e Lectura. 

Animádevos a participar!

MATRIARCAS

 Ola, familias!

Neste mes de marzo no que celebramos o día 8 o Día da Muller queremos lembrarnos dunha canción que xa ten varios anos pero que non perde a súa beleza e, sobre todo, o seu sentido: Matriarcas, de Guadi Galego.

Deixámosvos aquí a ligazón a este tema, agardando que gocedes coa súa escoita: Matriarcas

Agardamos que vos guste!!

O Equipo de Dinamización da Lingua Galega

DÍA DE ROSALÍA 2023

 DÍA DE ROSALÍA

23 DE FEBREIRO 2023

Á volta do entroido agardábanos a celebración do Día de Rosalía, e este ano a proposta do Equipo de Dinamización de Lingua Galega consistiu en sacar ao patio do centro os seus poemas.

A comezos do mes de febreiro cada grupo escolleu un poema de entre unha selección feita previamente. A maioría destes poemas complementábanse con temas musicais do álbum Rosalía pequeniña, de Uxía (Galaxia), o tema Tecín soia, do grupo d'A Banda da Loba, e a canción con xestos do grupo Migallas inspirada no poema Eu ben vin estar o moucho.

Cada grupo traballou na aula co poema escollido e os nenos e nenas escribiron os versos destes poemas nunhas cartolinas decoradas coa imaxe de Rosalía de Castro. Á volta das vacacións saimos ao exterior para penduralas nas árbores e en diferentes espazos, enchendo de versos e poemas o patio. 

Aproveitamos o bo tempo para celebrar un recital poético no patio, e puidamos escoitar algúns dos poemas escollidos para coñecer e achegarnos un pouco máis á obra de Rosalía. 

Celebración do Día de Rosalía 2023

Agardamos que vos guste!

O Equipo de Dinamización da Lingua Galega

ACTIVIDADES DE MARZO DE ESPAZO LECTURA

  O CEIP da Cruz é centro socio protector da Asociación Espazo Lectura, unha asociación non gobernamental fundada para o fomento e a animación á lectura en lingua galega. 

Por esta razón, deixámosvos a continuación información das actividades de MARZO.

As actividades están abertas a todas as persoas que estean interesadas; animádevos a participar, hai para todas as idades!

VISITA MUSICAL

 Ola!

No mes de xaneiro tivemos a sorte de recibir a visita de Erick, o pai de Damián e de Antonella. Erick é músico, toca instrumentos musicais do folklore galego e tamén é profesor, ensina a persoas que queiras aprender a tocar estes instrumentos. 

Ademais, Erick é tamén youtuber! Ten unha conta nesta aplicación con titoriales, técnicas, consellos... Se tedes curiosidade e queredes visitar a súa conta, premede a continuación en: Gaita & Percusión de Galicia.

Deixámosvos dous pequenos vídeos, xa que nesta visita tivemos concerto incluído con Antonella á pandeireta, Damián no bombo, Erick coa gaita e a profe Pili tocando o tambor!

ACTIVIDADES DE FEBREIRO DE ESPAZO LECTURA

 O CEIP da Cruz é centro socio protector da Asociación Espazo Lectura, unha asociación non gobernamental fundada para o fomento e a animación á lectura en lingua galega. 

Por esta razón, deixámosvos a continuación información das actividades de FEBREIRO.

As actividades están abertas a todas as persoas que estean interesadas; animádevos a participar, hai para todas as idades!

FEBREIRO: DE VACAS

Ola, familias!

Neste mes de febreiro no que celebramos o Día de Rosalía deixámosvos unha recomendación lectora para ir entrando en materia: Rexurdimente, do grupo De Vacas. 

Se non coñecedes ao grupo bulide e escoitade as súas cancións, entre as que poderedes atopar versións moi divertidas e intelixentemente adaptadas. 

Deixámosvos aquí a canción escollida: "Rexurdimente"

Agardamos que vos guste!!

O Equipo de Dinamización da Lingua Galega

RADIO CAMOSIÑA

Neste curso 2022/2023 outra das propostas que se celebran con regularidade son os Podcast de Radio Camosiña, a radio escolar do cole que podedes escoitar premendo na icona: 

Alí poderedes escoitar os programas deste curso e os de cursos anteriores. A continuación deixámosvos os que levamos feito ata o de agora:

• Podcast 1: "O Preguntoiro"
  
• Podcast 2: "Os Dereitos Humanos"
  

Agardamos que vos gusten!

O Equipo de Dinamización da Lingua Galega

ACTIVIDADES DE ESPAZO LECTURA

O CEIP da Cruz é centro socio protector da Asociación Espazo Lectura, unha asociación non gobernamental fundada para o fomento e a animación á lectura en lingua galega. 

Por esta razón, deixámosvos a continuación información das actividades de xaneiro e un cartaz coas propostas literarias dos diferentes clubs de lectura deste primeiro trimestre do ano 2023. As actividades están abertas a todas as persoas que estean interesadas; animádevos a participar, hai para todas as idades!

XANEIRO: CAAMAÑO E AMEIXEIRAS

Feliz ano, familias!

Comezamos o mes de xaneiro da man de un grupo formado por Sabela Caamaño e Antía Ameixeiras: Caamaño & Ameixeiras, dúas músicas que comezaron a súa andaina alá polo 2018 e acumula,  na súa curta pero intensa traxectoria, un gran número de concertos, tanto dentro da xeografía galega, o seu lugar de orixe, como fóra dela e no ámbito internacional. De natureza principalmente instrumental, aínda que incorporando tamén algún tema vocal coidadosamente escollido, Caamaño&Ameixeiras toma como punto de partida a tradición, entendida como algo vivo e en constante cambio, para crear despois a súa propia linguaxe, con composicións e arranxos personais e íntimos que manteñen a esencia do popular pero incorporan recursos contemporáneos.

Aire! é o seu primeiro traballo discográfico, producido polo reconocido músico burgalés Diego Galaz, onde contan con colaboracións tan destacadas como Sílvia Pérez Cruz, Fetén Fetén, Abraham Cupeiro, Xavi Lozano, Carola Ortiz, Pablo Martín, Apel·les Carod ou El Pana.

​

Este traballo foi recoñecido recentemente co Premio Martín Códax da Música 2021 na categoría de Folk, así como co 1º Premio no Folkez Blai 2021, celebrado en Ermua (País Vasco).

Nesta ocasión a canción escollida é "Maribel", podedes escoitala premendo lesta ligazón.

Agardamos que vos guste!!

O Equipo de Dinamización da Lingua Galega